當奶爸一天,肚疼都冇得去廁所!! 感謝平時老婆的辛苦T.T

from 暴龍爸爸

今天渡過有史以來最充實而且辛苦的聖誕假期,因為老婆有野做成日唔喺屋企,暴龍的爺爺嫲嫲離港渡假,俾我今天做了一整日的超級奶爸!

雖然老婆話如果真係搞唔掂的話,她就唔去了,我說:唔使啦,平時兒子都好喜歡同我玩、好痴我身,我覺得應該搞得掂,一日啫! (平時都有試過幾個鐘俾我湊)

但湊左成日,我先明白老婆平時真係好辛苦!

心諗帶住個仔出門時間過得快啲,所以決定帶這小子出門,先發現我真係佩服我老婆佩服得五體投地!! 到底她係點樣可以一個人帶阿仔、又攞住媽媽袋、BB車上巴士、搭地鐵的?! 我一個大男人都覺得超狼狽,她係點做到的?!

去餐廳吃飯,她平時係點一個人做到的?! 又要控制小孩唔東摸西摸、亂搞野,自己又要食,好有難度! 今日我帶個仔出去食,自己幾乎還狼吞虎嚥食完就閃人!

(單手食飯對媽媽來講係家常便飯)

原來要搵個地方換片都唔易,搵左好耐先見到唯一有換片的地方竟然係女廁! 點解男廁冇換片板啊?!歧視男人帶細路出街呀??? 所以最尾我係求其搵個隱蔽地方係bb車上換….

係啦,最慘莫過於係肚疼冇得去廁所!!! 不斷問阿仔可唔可以俾爸爸去廁所,同哥哥玩(我朋友),阿仔不停話唔得,要同爸爸玩。最後忍左好耐,終於頂唔順,用絕招!就係放低部電話俾阿仔睇卡通(平時唔俾佢睇電話)解決,然後用9秒9 的速度去廁所去解決。

下午午覺時間兒子點都唔肯睡,真係搞唔掂!直到晚上7點,因為實在太累,他先肯睡他的第一次午覺(被老婆知道實殺死我)!

老婆9點幾番到屋企,啊仔笑得好開心過去抱住老婆問媽媽去左邊,我覺得自己真的輸了,孩子的最愛是媽媽,我真的輸得甘願,太佩服我老婆了!

不過我都冇後悔咁做,自己雖然覺得好辛苦,但係同小朋友獨處的時光真係好珍貴,對小朋友又更多了解,也真係明白做啊媽真係唔易! Respect!

更多台灣暴龍媽的香港育兒 x 玩樂 x生活日記在FB>>【 港台混血小暴龍 

Screen Shot 2017-05-22 at 3.41.45 pm

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s